Thursday 29 March 2018

కన్యా వరయతే రూపం......


    ఈ మధ్య అబ్బాయిలూ ,అమ్మాయిలూ
ఎవరి జోడీ వారు చూసుకుంటున్నారు. నాకు నచ్చినవాడిని నేను చూచుకోగలను అే స్థాయికి అమ్మాయిలు,
నాకెలాంటి అమ్మాయి కావాలో నిర్ణయించడానికి మీరెవరు అని అబ్బాయిలూ అంటున్నారు!
న్యాయస్థానాలు కూడా మేజర్ అయిన వారుతమ వివాహ నిర్ణయాలు తీసుకుంటే ఇతరులు అడ్డు చెప్పడానికి లేదనీ తీర్పు చెప్పాయి.వారి నిర్ణ యాలకు వారే బాధ్యులు!
   
        తల్లిదండ్రుల ప్రమేయంతో జరిగే వివాహాల్లో కన్యకు వరుడిని నిర్ణయించడానిి ఒక పద్ధతి  వుండేది!
అదెలాగో క్రింది శ్లోకంద్వారా తెలుస్తుంది"

     కన్యా వరయతే రూపం
    మాతా విత్తం పితా శ్రుతం
   బాంధవాః కులమిచ్ఛంతి
   మృష్టాన్న మితరే జనాః
         
       అమ్మాయి వరుని రూపాన్ని చూస్తుంది!
     తనకు తగినవాడేనా?తన రూపానికి,అందానికీ సరిపోతాడా అని చూస్తుందట!
        తల్లి వరుని సంపదా ,సంపాదనా చూస్తుంది!అవును మరి అమ్మాకి ఏలోటూ రాకుండా చూచు కొనేవాడు కావాలిగా!
        తండ్రి వరుని గుణగణాలు,నడవడి చూస్తాడు!తీరా పెళ్లి అయాక అన్నీ అవలక్షణాలు కలవాడైతే?అందుకు ఆయన జాగ్రత్త ఆయనది!
       బంధువర్గమంతా తమ కులము వాడా కాదా అని చూస్తారట!

          ఇంతమందీ ఇన్ని జాగ్రత్తలు తీసుకొనేవారు కనుకనే మనువులు దశాబ్దాల తరబడి నిలబడేవి!కాలం గడిచే కొద్దీ అనుబంధం గట్టి పడేది!
       ఇప్పుడో? ఎవరి ఇష్టం వారిది"
         కన్యా వరయతే సాఫ్ట్ వేర్!
        మాతా జీతం! పితా హోదా!
       బాంధవాః గిఫ్ట్స్ ఇచ్ఛంతి!
     పార్టీలనితరే జనాః
 
   వధూ వరులు వారి ఇష్టానుసారం పెళ్లాడి ,విడి పోవడం కూడా అలాగే మాఇష్టం అంటున్నారు
   అందరినీ అలా అనలేము!అనకూడదు! తొందరపాటు నిర్ణయాలు కాకుండా స్థిమితంగా యోచిస్తే మంచిది కదా!
   
    పెళ్లంటే నూరేళ్ల పంట మరి!














No comments:

Post a Comment