. . . . . . . . . సరదా కబుర్లు
. . . . . . . . . ___________
చదువూ _చట్టుబండలు:
బారసాల నాడే పిల్లల భవిష్యత్తు నిర్ణయించేస్తున్నారు తల్లిదండ్రులు!
కార్పొరేట్ స్కూల్లో చదవాలి!
ఐ ఐ టి సీటు కొట్టాలి!
ఇంజినీరై ఇండియన్ ఎయిర్ లైన్స్ లో ఎగిరి పోయి యునైటెడ్ స్టేట్స్ లో వాలి!డాలర్ల వాన కురవాలి!
అబ్బాయేమో అమెరికా.....అమ్మాయేమో ఆస్ట్రేలియా......అని చెప్పుకోవడానికి ఎంత ఉబలాటమో!
వాళ్ల కలల కోసం పిల్లల్ని కాల్చుకు తినడం మొదలవుతుంది!కాన్వెంట్ల చుట్టూ తిప్పడం మొదలవుతంది.
తమాషా ఏమిటంటే ఆంగ్లమాధ్యమ పాఠశాలలన్నీ కాన్వెంట్లే అని చాలామంది భ్రమ!కాన్వంట్ అంటే సన్యాసినుల మఠము అని మీ లాంటి వారు చెప్పినా విని పించుకోరు!
బళ్లో చేర్చిన ప్పటినుండీ పోటీ! పక్కింటి బన్నీగాడి కంటే నీకు మార్కులు తక్కువెందుకు వచ్చాయ్? బంటీ గాడికి నీకంటే ఎక్కువెందుకు వచ్చాయ్? ఏ యింట చూసినా యిదే రొద!
ఇది మంచికి దారి తీయడం లేదు !సరికదా!కక్షకి,పగలకి కారణమవుతూంది!
ఒకటి రెండ్లు నేర్చుకునే ఓ చిన్నారి పడే హింస సామాజిక మాధ్యమాల్లో వీడియో చూచే వుంటారు!
తనకన్నా ఎక్కువ మార్కులు తెచ్చుకొనే అమ్మాయి నీళ్ల సీసాలో దోమల మందు కలిపిందో అమ్మాయి!
విచారణకి భయపడి తానూ తాగింది...చూ..ఈనాడు పత్రిక 24_8_2017 ...
. . . . . . . . . . అంటే మనం పిల్లలకి ఏం నేర్పుతున్నట్టు?
తెలిసిన అమ్మాయి దగ్గర నేర్చుకోమ్మా అని చెప్పాలి!
. . . . . . తెలియని వారికి నేర్పిస్తే నీతెలివి పెరుగుతుందమ్మా అనీ చెప్పాలి!
అంత ఆలోచన మనకెక్కడిదీ!
మన పిల్లలే ముందుండాలి!
ఈ ఒత్తిడి తట్టుకోలేక పోతున్నారు పిల్లలు! మానసిక రోగ చికిత్సానిపుణులూ అదే అంటున్నారు!
ప్రాథమిక స్థాయి వరకూ తాము నేర్చుకుంటున్నట్టు తెలియకుండానే పిల్లలు నేర్చుకోవాలి!
ఓ తాతగారు!ఆరుబయట వెన్నెల రాత్రి! మంచం మీద పడుకొని మనుమడితో ముచ్చటలాడుతూనే అక్షరాలు నేర్పుతున్నాడు!పలకా లేదు!బలపం లేదు! తాత బొజ్జే పలక!మనుమడి వేలే బలపం!మనుమడికి తమాషాగానూ వుంది!నేర్చుకున్నవి తాతకు చెప్పినట్టుగానూ వుంది వ
తప్పు పోతే స్పర్శ ద్వారా తాతకు తెలుస్తుంది!సున్న వచ్చి నపుడు తాతబొడ్డు చుట్టూ తిప్పడం మనుమడికి సరదాగానూ వుంది!
. . . . చేలో రేగు చెట్లు! గట్టుమీద తాతగారు! రాలి పడిన రేగుపళ్లు ఏరుతూ మనుమలు తాత పలికించే అమరకోశం పలుకుతున్నారు!
తెలియకుండానే చదువు వచ్చేస్తూంది!
అచ్చు అలాగే కాక పోయినా " రీ రైట్ ట్వంటీ టైమ్స్ " పోయి చదువు సరళం కావాలి!
. . . . . . అందుకు కొత్త మార్గాలు వెతకాలి!
అందుకు బాధ్యత అందరిదీ!!!!!
కొసమెరుపు: పైన చెప్పిన ఘట్టాలలోని మనుమడి పేరు:
శేషఫణశర్మ!
______కోడూరి శేషఫణి శర్మ
No comments:
Post a Comment